خلف المهدي
03-12-2012, 11:32 PM
هذه القصيدة للشاعر / محمد بن بطي البسام الجميلي
سهيل بان وقربن المطاريش=واليوم بانت لي مواري خشاشه
وأهل القنص لا حورفوا بالختاريش= كلن تجهز له وطرف فراشه
يا حش قلبي مثل حش الحواشيش=لا صار حشه بحيل وهاشه
لا أوحيت هرج بالقنص له تناقيش=وهرج على غيره بليا نقاشه
نركب على اللي ما يعرف التهاليش=جيب سفاري زاهي به قماشه
ناخذ لنا سجات بزين النشانيش=خده سماح ولا ذكر به عفاشه
يم الصحن مدهال حرش القراميش=وإلا أشقرٍ بالفرس ما أحلا نماشه
اللي نزع من دار حمر الطرابيش=لا واهني من له نصيب وحاشه
تلقى عليه الصيد قفرٍ مشاويش=على أوله توه لفا من طواشه
يا حلو هد الطير وقت المغابيش=على أبرق الجنحان خربٍ وناشه
ما له مطير وحيلته بالتماريش=طقه غشيم بالعلابي نتاشه
ويازين شب النار وقت الرشاريش=بدلال صفرٍ والوقد من قشاشه
في خايع تزمي رجومه مطانيش=شيحه مع القيصوم ما أحلا طشاشه
وربع على كيفي قروم مداغيش=مرتاح أنا بالي بعيدٍ طفاشه
والضيف نهلي به وحنا مداهيش=هذا لمزاجي به يزيد انتعاشه
وعزي لمن قلت عليه المحاويش=يمشي عليل علته وسط جاشه
والظبي ما قالوا براسه عراميش=وكثر النصايح ما نفع بالدفاشه
وصلاة ربي عد وبل المراهيش=على نبيٍ ما مشى بالغشاشه
سهيل بان وقربن المطاريش=واليوم بانت لي مواري خشاشه
وأهل القنص لا حورفوا بالختاريش= كلن تجهز له وطرف فراشه
يا حش قلبي مثل حش الحواشيش=لا صار حشه بحيل وهاشه
لا أوحيت هرج بالقنص له تناقيش=وهرج على غيره بليا نقاشه
نركب على اللي ما يعرف التهاليش=جيب سفاري زاهي به قماشه
ناخذ لنا سجات بزين النشانيش=خده سماح ولا ذكر به عفاشه
يم الصحن مدهال حرش القراميش=وإلا أشقرٍ بالفرس ما أحلا نماشه
اللي نزع من دار حمر الطرابيش=لا واهني من له نصيب وحاشه
تلقى عليه الصيد قفرٍ مشاويش=على أوله توه لفا من طواشه
يا حلو هد الطير وقت المغابيش=على أبرق الجنحان خربٍ وناشه
ما له مطير وحيلته بالتماريش=طقه غشيم بالعلابي نتاشه
ويازين شب النار وقت الرشاريش=بدلال صفرٍ والوقد من قشاشه
في خايع تزمي رجومه مطانيش=شيحه مع القيصوم ما أحلا طشاشه
وربع على كيفي قروم مداغيش=مرتاح أنا بالي بعيدٍ طفاشه
والضيف نهلي به وحنا مداهيش=هذا لمزاجي به يزيد انتعاشه
وعزي لمن قلت عليه المحاويش=يمشي عليل علته وسط جاشه
والظبي ما قالوا براسه عراميش=وكثر النصايح ما نفع بالدفاشه
وصلاة ربي عد وبل المراهيش=على نبيٍ ما مشى بالغشاشه