اين المنافس

[فهيد البناقي]

قال الذي لامن بدى يعجب الجمهور--- يعجب جماهير الشعر واللقب بيطار

يسوق القوافي كنه يسوق له مظهور--- شاعر يغوص بحور ويحير الشعار

[زيد البناقي]

الله الله

مبدا قووووي يالبيطاار
وابنتظار قبيلك

واتمنى ان يقابلك الشاعر ابو وليد

بانتظاره

[فهيد البناقي]

وانا اتحراه ولا تبطي تسري على حدينا ربع ساعه بالكثير

[ابووليد القباني]

ابشر يازيد تآمر امر اللي تبي يصير كم عندنا زيد؟؟؟
جاري الرد ( ولو إن الاخ بيطار مايجي إلا آخؤ الليل )

[زيد البناقي]

ابشر يازيد تآمر امر اللي تبي يصير كم عندنا زيد؟؟؟
جاري الرد ( ولو إن الاخ بيطار مايجي إلا آخؤ الليل )

الله يسعدك وتسلم يالذيب وهذي الهقوه فيك

لاهنت يابو وليد

[فهيد البناقي]

هلا بك يابو وليد نورت والله

[أبو اطياف]

صح لسانك يالبيطار

ياويلك من ابو وليد الظاهر انك سهرته ويبي يجيب لك بيتين جامده

[فهيد البناقي]

صح بدنك يستر الله وانا اخوك

[فهيد البناقي]

وينك ابو وليد

[ابووليد القباني]

جيتك
يقول الذي لامن بدى عندكم مخبور
تعرفون قافه لاقصد ماهو البيطار
يجي بيت متبعثر والاخر يجي مكسور
تخفى باسم بيطار واطلق علينا النار

الظاهر انك تبي تسهرني !!!!!

[زيد البناقي]

لدي اقتراح
ان تتاجل الى غدا لكي نقوم بالمتابعه

والراي الاول والاخير للشعار

[ابووليد القباني]

بكيف البيطار البيطار الذي يآمر وينهى وحنا تحت الخدمة
وش تقول يازيد

[زيد البناقي]

جيتك
يقول الذي لامن بدى عندكم مخبور
تعرفون قافه لاقصد ماهو البيطار
يجي بيت متبعثر والاخر يجي مكسور
تخفى باسم بيطار واطلق علينا النار

الظاهر انك تبي تسهرني !!!!!

الله الله يااااااسلام يابو وليد
كفو والله

[زيد البناقي]

بكيف البيطار البيطار الذي يآمر وينهى وحنا تحت الخدمة
وش تقول يازيد

الله الله
ونحن بانتظار رايه

[ابووليد القباني]

البيطار وينك وش قلت ننام الساعة 2.38 صباحا

[أبو اطياف]

الظاهر انه نام ذبحته بالبيت الثاني ياابو وليد

[فهيد البناقي]

ابو وليد يقول البيت مكسورشلون يكمل والراي للشعار بانتظار الردود

[زيد البناقي]

اهلا بالبيطار

اذا كان بيتك مو مكسور رد عليه وانف ذلك .. يمكن الشاعر يبي يستفزك

لك تحيااتي

[فهيد البناقي]

الوقت متاخر وطلبتو التاجيل وقلت فرصه التعليق من الغانمين ونكمل المحاوره مدتها خمس ايام حسب ماسمعت

[خلف المهدي]

الله يعطيك العافية

ولا أعتقد أن هناك مدة للمحاورة

فمتى انتهى المعنى بين الشاعرين يتم إنهاء المحاورة منهما

وفقك الله

وبانتظار ابداعكم

[فهيد البناقي]

لاهنت ياخالد مشكور

[ابو تركي]

صح لسانك يالشاعر

يعني انتم ماعندكم منافسه الا بالشعر مانعرف

:mommy_cut:

لكن اذا تبي منافس بالمطارح انا جــــــــــــــــــاهز

ههههههههههههههههههههههههه

لكم احترامي

[زعيم الملتقى]

صح ألسنتكم

البيطار

ورد من أبوليد جبتها على الجرح وفعلا استفزيت البيطار حتى أجل المحاورة إلى غدا وربما إلى الأبد

ابوتركي معك فزاع للمطارحة وليس المحاورة

هههههه

[فهيد البناقي]

ابو تركي انت بصوره تخوف وشلون نطارحك اعجاب فيك واجيك بالحفحر ونتطارح لاكن بعد ماتوجبني انشهد انك ذيب

اما زعيم الملتقى شايل علي حيييييل الله يعافيه

[زعيم الملتقى]

اما زعيم الملتقى شايل علي حيييييل الله يعافيه

الله يسامحك

بالعكس أحبك في الله رغم أنني لا أعرفك

وفقك الله

موفق أخي ولك أجمل تحية

[زعيم الملتقى]

أكمل المحاورة بارك الله فيك

[الأمير]

بداية رائعة من الشاعرين

وبإنتظار الشاعر البيطار

[أبو نايف]

صح ألسنتكم

بصراحة اتمنى هذه المحاورة من زمان .

أبو وليد
صح لسانك وكفو

البيطار

صح لسانك وشد حيلك

[فهيد البناقي]

استلم
يدوم البقا لك وانت شاعر مافيك قصور---- نعرفك ونعرف قافك اللي لزمه اجبار

انا لو نويت الشعر يبقى لنا مهجور---- طبيت يالمقرود في هرج ليته صار

[ابووليد القباني]

استلم
على كثر ماشفته من العالم المطيور
صبرت وتحملت الليالي مع الاقدار
كتبت القصيدة دون ماخذ براي وشور
وانا من اللي دايمٍ يسمع البيطار

[ابووليد القباني]

اخي انا الان استأذن للدوام وغدا لنا عودة بإذن الله
ولكم وللبيطار الشاعر المحبوب للجميع اجمل تحية

[فهيد البناقي]

الله الله عليك يابو وليد بانتظار عودتك بالسلامه

[فهيد البناقي]

استلم يابو وليد

قدمك مطب طبيت وشلون يامشهور---- اللوح مكتوب انتبه ليه اخذت ايسار

تسرعت رب البيت يهديك يامنعور ---- ترى السالفه ملاعبه ماهو ركب امهار

[العقاب]

انا ابنزل واتحدى الشاعر المشهور .... ان كنت بيطارالشعر العب معي مشوار

نمشي معك بالقافيه لاتلف ولاتدور .... امسك طريقك واعرف بالوقت استدار

[فهيد البناقي]

صح لسانك العقاب

[متعب صلفيق]

صح صح صح صح

ألسنتكم وبيض الله أوجيهكم

[خلف المهدي]

صحت ألسنتكم

ومتابعين

[الأمير]

انا ابنزل واتحدى الشاعر المشهور .... ان كنت بيطارالشعر العب معي مشوار

نمشي معك بالقافيه لاتلف ولاتدور .... امسك طريقك واعرف بالوقت استدار

العقاب حياك الله وشكراً لك على المشاركة

وإذا كنت ترغب المشاركة يلزم التنسيق مع الشعراء وذلك بعد الانتهاء من المحاورة القائمة

وفقك الله

[الأمير]

صحت ألسنتكم


نحن معكم
...........

[ابووليد القباني]

استلم

اخوض في بحور الشعر وادور
وادور الجزلة واجيب كبار
حلو المعاني مثل طلع النور
وماهو بشرط طوال وإلا قصار

[فهيد البناقي]

صح لسانك ابووليد كفو

[خلف المهدي]

استلم

اخوض في بحور الشعر وادور
وادور الجزلة واجيب كبار
حلو المعاني مثل طلع النور
وماهو بشرط طوال وإلا قصار

يعطيك العافية أبا وليد

انتبه .... ترى خرجت عن الوزن

[ابووليد القباني]

اهلا اخوي خلف نعم سقط سهوا وذلك لأنني كتبت وانا على عجل
وتم التعديل

اخوض في بحور الشعر وادور
وادور الجزلة واجيب كبار
حلو المعاني مثل طلع النور
بطوال وإلا جبتها بقصار

[خلف المهدي]

اهلا اخوي خلف نعم سقط سهوا وذلك لأنني كتبت وانا على عجل
وتم التعديل

اخوض في بحور الشعر وادور
وادور الجزلة واجيب كبار
حلو المعاني مثل طلع النور
بطوال وإلا جبتها بقصار


وانظر


يقول الذي لامن بدى عندكم مخبور
تعرفون قافه لاقصد ماهو البيطار
يجي بيت متبعثر والاخر يجي مكسور
تخفى باسم بيطار واطلق علينا النار





هل الوزن نفس الشيء ؟

[ابووليد القباني]

نعم ابوسلطان القصيدة كلها اخذت مسار غير الوزن الاول ولايوجد في القصيدة كسر او شي يعيبها فقط تغير الوزن صح ابو سلطان
معليش كنت اكتب على الطرق هذا ونسيت الطرق الاول تبوني اغير أو خلاص يعتمد

[زعيم الملتقى]

صح ألسنتكم

مع إن المحاورة ليست في مستوى الطموح مع احترامي للجميع

كل يوم رد واحد

غير معقوووول ؟؟؟

[احمد جابر]

صحت الالسن وتحياتي للجميع

[غنمان الغانم]

شبلاكم قلبتوها كوكتيل

على العموم صح الالسن