صدفه

[غنمان الغانم]

مرت سنه ماجاء على البال طاريك
وش جابك لدربي وانا اللي نسيتك

هي صدفة الايام جابت خطاويك
ولاانا اللي من ضياعي لقيتك

لمتك وانا اللي سارح ن في حراويك
وانا على النيه ابد مانصيتك

جيتك وانا حالف مع الوقت ماجيك
يعني اعتبرني لو لقيتك ماجيتك

غربه وطالت لين ماصرت ناسيك
تصدق مثل ماانا كتبتك محيتك

مدري ملامح صورتك وين اوديك
ماكنك اللي في سنيني بكيتك

ان كانت الصدفه عسى الله يعافيك
لاتطول الوقفه وانا مابغيتك

وان كانت اقدامي خذتني لااراضيك
يمكن طفش ولاتناسيت بيتك

صدقني ماجيتك وانا ميت ن فيك
من طعنتك للموت كلك جفيتك

معاد لي رغبه بضحكت لياليك
تبطي عظم ماطال ليل وسريتك

قالو قديمك لين موتك يخاويك
شفني قديمك بس كلك رميتك

مع السلامه خطوتي ماتباريك
عكسك مساري مانكست وقفيتك

صدفه عساها ماتعاود ولااقيك
وانا ورب الكون مبطي نسيتك


بقلم غنمان الغانم جميع الحقوق محفوظه

[متعب صلفيق]

صح لسانك

وبيض الله وجهك

[أبو اطياف]

صح لسانك وعلا شانك

[بيـآدر]

صدفه عساها ماتعاود ولااقيك
وانا ورب الكون مبطي نسيتك


إبــدآع

صــــح لســآنـك عـ/ آلنـص الرآئــع ..

[ميلآف]

رووعـــه
,
صصح لسسآنــك

..

[زعيم البسام]

صح لساااانك

[زعيم الملتقى]

رائعة كالعادة قصائدك وشهادتي فيك مجروحة

صح لسانك

[. . رهــف . .]

صصــح لسســآنكَـ شـآعرنـــــــــآإ . .

. .

. .

[خلف المهدي]

قصيدة شامخة كشموخ ناظمها

صح لسانك يا شاعرنا المبدع

قصيدة في منتهى الجمال والتألق

لا تحرمنا إبداعك

[الأمير]

هي صدفة الايام جابت خطاويك
ولاانا اللي من ضياعي لقيتك



صح لسانك .. وعلا شأنك

[غنمان الغانم]

الله لايهينكم

اشكر كل من تواجد في متصفحي وهذا ماهو الا وسام

لاهنتو اخواني واخواتي