محاورة الشاعر خلف المهدي والشاعر سعود البسام

[خلف المهدي]

امتدادا لمشوار شعرائنا الكرام في المحاورة اسند هذا الطاروق للأخ العزيز الشاعر سعود البسام



يا مرحبا بسعود يوم إنه حضر=ويا مرحبا به وعسى عمره طويل
حطوا بخور بجيته وأزكى العطر=وصبوا له الفنجال من بن وهيل

[ابو تركي]

عز الله ونعم يستاهل

يمال العافيه

[زعيم الملتقى]

صح لسانك


ننتظر رد الشاعر سعود البسام

[الأمير]

صح لسانك ... بداية رائعة ... بإنتظار شاعرنا ابو طلال

[متعب صلفيق]

صح لسانك

ياابو سلطان

يستاهل ابوطلال

بتظار شاعرنا ابو طلال

[أبو اطياف]

صح لسانك ياابو سلطان يستاهل ابو طلال

باانتظار رد شاعرنا ابو طلال

[خلف المهدي]

صحت أبدانكم

وبانتظار الشاعر أبو طلال

[زيد البناقي]

مبدا كايف يابو سلطاان

وبانتظار ابو طلال


احترامي

[عبد العزيز المحارب]

يستاهل ابوطلال. .لاهنت

[زيد البناقي]

مبدا كايف يابو سلطاان

وبانتظار ابو طلال


احترامي

[سعود البسام]

حياك الله ابو سلطان استلم


يامرحبا بك عد همال المطر **** وعداد براقٍ يلوح من المخيل


لاسقت لي فنجال حضرت الشعر*** واعطيك من زين المعاني يالعميل

[زيد البناقي]

الله الله

اسلم يابو طلال

لاهنت رد مميز

[زعيم البسام]

صح لسانك ياشاعر المناسبات

رد مميز وننتظر رد ابو سلطان

يعطيكم العافيه
http://www.aljmeel.net/vb/mwaextraedit4/extra/36.gif

[سعود البسام]

احترامي زيد البناقي

الله يسلمك

شكرا على المتابعه

http://www.aljmeel.net/vb/mwaextraedit4/extra/77.gif

[خلف المهدي]

إسلم إسلم ولا هانوا المتابعين.... خلوها


من مدة ما أشوف بالمجلس تمر=عساك طيب ما عرفنا لك سبيل
نبي علوم البر يا راع الشفر=إما علوم الصيد وإلا علم سيل

[زيد البناقي]

اسلم يابو سلطان

صح لسانك

بانظارك يابو طلال

[بيـآدر]

صــحت آلسنتـكم شعرآئنآ المبدعين


ويعطيــكم العـآفيــه ..

[زعيم البسام]

صح لسانك ابو سلطان

وترى الوالد مشغول

ولا يدري

[أبو اطياف]

صح السنتكم جميعا

[احمد جابر]

الله الله ياسلام يابو سلطان وتحياتي لبو طلال
متابعين صحت الالسن

[متعب صلفيق]

أسلم أسلم

الله الله

متابعين

يعطيكم العافيه

[الأمير]

الله يعطيكم العافية



متابعين

[سعود البسام]

أستلم..........الرد

ماغبت عنكم لاسبوع ولاشهر........وانا تراي بخيريا الخصم الجزيل

جبنا علوم الخير وعلومٍ تسر.........وجبنا علوم السيل باثبات ودليل.

[زعيم البسام]

صح لسانك

الله الله رد مميز

لاهنت

وبانتظار ابو سلطان

[مشـاري]

يعطيكم .. إلعآفيه
<3

[زيد البناقي]

صحت الالسن

سلمتوا متا. ا. ا. ا. ابع

[خلف المهدي]

خلوها


عسى نشوف السيل ويصح الخبر=الواقع يخالف كلامك يالزميل
ما بك ردى خابرك أنا واف الشبر=لكن هرجك زاد ما شفنا حصيل

[احمد جابر]

الله الله يابو سلطان
ومتابعين وينك يابو طلال صحت الالسن
ماسكين صف يالالاله

[متعب صلفيق]

الله الله

متابعين

[زيد البناقي]

ياااسلام
يابو سلطاان

بيت مميز

لاهنت وبانتظاار رد ابو طلال

[خلف المهدي]

لا هنتوا جميعا

والتميز حضورك يا الغالي زيد

[محمد سعيد]

صح لسانك
ما شاء الله اتجهت للمحاورة وفقك الله
الردية يا بو طلال

[زعيم الملتقى]

صح ألسنتكم

وين ابوطلال

؟؟؟؟؟؟؟؟؟

[زيد البناقي]

ابو طلال عنده الرد

بانتظاره.

[سعود البسام]

أستلم........ياأبو سلطان

السيل طاح وبان بديار الحجر.......وبارض الحيا حنا ترى دايم نزيل

غابت نجوم الليل وسهيلِ ظهر...... يضوي عليكم كل يوم وكل ليل

[أبو اطياف]

صح السنتكم متابعين

بإنتظار رد ابو سلطان

[زيد البناقي]

غابت نجوم الليل وسهيلِ ظهر...... يضوي عليكم كل يوم وكل ليل

الله الله

ياسلام يابو طلال رد منااسب

بانتظار فتل ابو سلطاان

[خلف المهدي]

الله الله . تفضل أبا طلال


لو فيه سيل يصبح المرتع خضر=الوسم راح ولا بقى غير القليل
أنصحك عقب الذنب لازم تعتمر=عسى الولي يغفر لك الذنب الجليل

[زيد البناقي]

أنصحـك.عقـب.الذنـب.لازم.تعتـمـر........عسى.الولي.ي غفر.لك.الذنب.الجليل


هههههههه

الله يستر

نشوف وش يقول ابو طلال

الله يعطيكم العافيه

[الأمير]

الله الله

يعطيكم العافية

................

[ابومجرد]

صح لسنك ابوسطان

[سعود البسام]

استلم


بارض الشمال العشب والروض الخضر **** والسيل يروي يابس الكبد العليل


أنحمد الله عند ربي لــي مقــــــــر **** حجيت بيت الله وكبر بتهليل

[خلف المهدي]

الله الله ، خلوها


الناس قالوا بالزمان المندثر=سيل تعدى ديرتك له لا تخيل
ضاعت علومك يوم زاد بك العمر=يا حيف وأنت اللي تعدل من يميل

[متعب صلفيق]

الله الله
تسلمون

صح ألسنتكم

متابعين

[زعيم البسام]

االله الله

محاوره رائعه

[زعيم الملتقى]

صحت ألسنتكم

وبدأت المحاورة تقوى شيئا فشيئا

أحرقووووا

متابع

[زيد البناقي]

صحت الالسن

متا ا ا ا ا بع

[سعود البسام]

استلم.....

خل الحِكم عنا وعطنا المختصر....سريت في ظلما وضاع بك الدليل

أنا على الميقاف لي زند وظهر....واللي يناطحنا يضيع به السبيل..

[زيد البناقي]

الله الله

اسلم يابو طلال

عندك خطا املائي يابو طلال بعجز البيت الاخير
يرجى تعديله

-----
بانتظاارابو سلطان

[خلف المهدي]

تم تعديل الكلمة في رد الشاعر أبوطلال
واستلم يا الغالي

أنا معك بالدرب دايم مستمر=واحذرك بالك على استاذك تعيل
ما ينفعك غيري لا زل بك القدر=أوردك بحرٍ على مثلك يهيل

[زعيم الملتقى]

صح لسانك أبوسلطان

صح لسانك أبوطلال

[فهيد البناقي]

صح لسانك شاعر جزل لاهنت

[زعيم البسام]

الله الله


عاشوووا

[احمد جابر]

الله الله الله يابوسلطان
عزالله انك صادق تحياتي لك لو اني متاخر كنت مداوم
الناس قالوا بالزمان المندثر ... سيل" تعدى ديرتك له لا تخايل
بيت مميز جدا" وحفظ للواقع
الله الله يابو طلال تحياتي على الرد ايه هذا الحكي
هههههه
خل الحكم عنا وعطنا المختصر ... سريت في ظلما وضاع بك الدليل
وفق الله الجميع شعراء بمعنى الكلمه

[احمد جابر]

تم تعديل الكلمة في رد الشاعر أبوطلال
واستلم يا الغالي

أنا معك بالدرب دايم مستمر=واحذرك بالك على استاذك تعيل
ما ينفعك غيري لا زل بك القدر=أوردك بحرٍ على مثلك يهيل
الله الله يابو سلطان اكوي يالله يابو طلال بنتظار ردك الجميع
هههههههههههه

[محمد سعيد]

بدا التسخين ما شاء الله بدايات قوية

ننتظر المزيد يا شعارنا امتعتونا في محاورتكم

[بيـآدر]

محــآوره رآئعه ومميــزه

يعطيــكم العـآفيــه ..

[زعيم الملتقى]

اليوم ماكو شيي

[زعيم البسام]

لا ابشر بالرد

يعطيكم العافيه

امتعتونا

[احمد جابر]

بدا التسخين ما شاء الله بدايات قوية

ننتظر المزيد يا شعارنا امتعتونا في محاورتكم
اهلا" وسهلا" في شيخنا المحترم محمد سعيد اقدم لك تحياتي واحترامي الدائم
واقول جزاك الله خير على الصوره الجميله والايه القرانيه المميزه
ولك مني كثير الشكر يابو احمد

[خلف المهدي]

حياكم الله جميعا

وأخص بالشكر الأخ أحمد جابر ويشرفنا متابعتك لنا

وفقك الله

ويظهر أن أبو طلال مشغول

الله يرده

[سعود البسام]

أستلم........الرد

كانك دخلت البحرأنا أنحت من صخر**** لاشك بالك لاتحط ولا تشيل


انحمد الله ماعلى عمري خـطر **** كان أنت باالطرقه بلا زاد وصميل

[خلف المهدي]

الله يعطيك العافية أبا طلال وصح لسانك .... واستلم


يا أبو طلال إلك التحية والشكر=طابت علومك يا الأصيل بن الأصيل
كاني غلطت أرجا السموحة والعذر=لا تردي عزومك وشد الحيل حيل

[زعيم البسام]

الله الله

صح لسانك

بانتظار الواالد

[أبو اطياف]

صح لسانك ابو سلطان

وبإنتظار رد شاعرنا المبدع ابو طلال

[سعود البسام]

حياك الله.......أبو سلطان....ولك مني التحية....والأحترام ....والتقدير على هذه المحاوره الشريفه والنزيهه والممتعه..وفقك الله........ واشكر جميع من تابعنا من المشرفين والأعضاءوالمراقبين والشكر موصول للجميع واشكر الشاعر......زيد راضي البناقي على المتابعه وفقه الله...




لعبت طاروقٍ على فن وظفر....مع شاعرٍمعروف من روس الجميل

شهادهٍ منا وتقدير وفخر ....وهرجٍ صحيح ولاتدور له بديل..

[زعيم الملتقى]

صح ألسنتكم

وسجل اعجابي يابوطلال

ولايهون ابوسلطان

[زيد البناقي]

الله يعطيكم العافيه
شعراء جزلين ومن كبار الشعراء

معنى + جزاله
صحت اللسنكم

ابو طلال & ابو سلطان

لكمالاحترام والتقدير

[احمد جابر]

صحت الالسن شعراء مميزين وبالتوفيق للجميع
واشكر جميع الاخوه الشعراء واخص فيهم الشاعر
خلف مهدي على الطاروق الكايف واقول شاعر
دفع رباعي وتحياتي للجميع

[محمد المهدي]

صح لسانك ياابو سلطان يستاهل ابو طلال

[خلف المهدي]

لا هنتوا جميعا

أشكر جميع من تابع هذه المحاورة التي استمتعت بها مع الشاعر القدير أبو طلال

أبو جابر الله لا يهينك ولا عليك زود ، وهذا من حسن ظنك وفقك الباري

[خلف المهدي]

لا هنتوا جميعا

أشكر جميع من تابع هذه المحاورة التي استمتعت بها مع الشاعر القدير أبو طلال

أبو جابر الله لا يهينك ولا عليك زود ، وهذا من حسن ظنك وفقك الباري