لو التمني يبري الجرح ويفيد

[لصمت حزه]

السـلأم .ع ـليكم .ورحم ـه الله .وبرك ـأته. .
. .
.

لو التمني يبري الجرح ويفيد

ماصابني من جور الايام صايب


ولو الزمان يطيع لاقلت ويعيد

ويدير مع ديرة نسيم الهبايـب


غاب الشقا ماصار للجرح تجديد

ولاشفت من صكات بقعا مصايب


لاشك صار اليوم بالوضع تعقيد

اقفا الزمان وخاطري منه طايب


مجروح ماعينت للجرح تضميد

كم مرتـ(ن) ياعيد رديت خايب


صوتت بأعلا الصوت وين الاجاويد

اجاب الثرا شخصـ(ن) تناديه غايب


يرجع صدا صوتي اليا صحت ياعيد

ويـــن الرجال اللي تــفك النشايـب


صفحة وفا فيهم للأجيال تمجيد

من دونهم حالت اقبور ونصايب


واليــوم ماعينت للطيب تأكــيـــد

ضاع الرجا ما بين مخطي وصايب


حاولت اكابر والزم الصبر واجيد

لين الامل منه اصبح الحلم شايب


من حس بالوعات ليله سراميد

كم واحد(ن) صكت عليه النوايب


لاطاب جرح ولا سلم من مقاريد

يكفي اسى ياوقت وش انت جايب


لو الطعون براس حزمـ(ن)جلاميد

مـــن كـثر ماحسيت يمديه ذايب


بس القلوب اقسى من الصخر ياعيد

لولا الحسد ماشح وبل السحايب


ليه انتجاهل كلمت الحق ونحيد

وننسى فضل جزل العطا والوهايب


نعاتب الايــام ونعيـــــد و نزيــــــد

وحنا السبب والوقت ماله سبايب


ناسين يوم(ن) فيه للعمر تحديد

يوم(ن) ماتنفع فيه دمعة قرايب


لامال ينفعنا ولا منصب يفيد

لاصار مانكسب وراها ثوايب


والعمر في كف القدر له مواعيد

خير العباد الي عن الذنب تايب


الشاعر /.... سالم الطرقي
أخ ـووكم ..ع ـبدالله .البن ـأقـي.

[خلف المهدي]

صح لسان الشاعر سالم الطرقي

وهو شاعر غني عن التعريف ، حيث أنه مشارك معنا في هذا الملتقى واستمعنا واستمتعنا في قصائده الشعرية

ونسأل الله أن يكون المانع خير بسبب عدم حضوره

وفقك الله أخي الكريم عبدالله البناقي

[متعب صلفيق]

يعطيك العافيه

على الذوق الرائع

مشكور ياعبدالله

[سلطان المهدي]

يعطيك العافية على القصيدة

[أبو اطياف]

يعطيك العافية على النقل المميز

[تـرف]

خير العباد اللي عن الذنب تايب


رائعه بحق لاهنت وجزاك الله كل خير

[زعيم الملتقى]

صح لسان الشاعر


وفقك الله

[الأطلس]

صح لسان الشاعر على القصيدة التي فيها الكثير من الصور الجميلة .

ومشكور على هذا الاختيار الرائع للقصيدة الرائعة .