احتاج له

[خلف المهدي]

هذه قصيدة كتبتها في ريعان الشباب :)


أحتاج له وادري به إنه هواني=واحن له ويزفني يمه الشوق

لاهو يكلمني ولاهو جفاني= ولا عطاني بالهوى عهد موثوق

لقيت بعيونه لحبي مواني= وشفته بقلبي قبل مايشوفه الموق

ياكثر تعذيبه وما أكثر حناني= لاني طريدٍ له ولا هو بملحوق

إن جيت أببعد في خيالي ثواني=يسوقني قلب احترق وجد له سوق

حبه تغلغل بين ذيك المحاني= جدد قديم الود وأحيا بي عروق

أقول فيه الشعر وأحلى المعاني=وأحكي غرامه ويتحول لطاروق

ليا ضحك يضحك بوجهي زماني= واحس ماني من عنا الحب معتوق

يوم إن حظي في غرامه رماني=أنشهد إني أسعد الناس مخلوق

أعيش في ظل الرجاء والأماني=وإلا الوصل في حبل الأيام مشنوق

عساه يلقى ماعطاني زماني=ويجرب الفرقى على حرقة الشوق

[خلف المهدي]

صح لسانك .....

[الحسين محمد]

لقيـت بعيونـه لحبـي مـوانـي
وشفته بقلبي قبل مايشوفه الموق



بيت عن قصيده وبعدين يااخي انت شاعر ظالم نفسك


وهذاالذي نقراه شعر جميييييييييييييييييييييييييييييييل



اتحفنابالجديد دائما ولاتحرمنا من الابداع

[سنداللافي]

أعيش في ظل الرجاء والأمانـي
وإلا الوصل في حبل الأيام مشنوق

عساه يلقـى ماعطانـي زمانـي
ويجرب الفرقى على حرقة الشوق


صح لسااانك

[خاص]

كتبتها في ريعان الشباب



تكفى ياشايب



اقول كثر منها بس

وكثر من القصايد خصوصا عن الحرية والانفراد وغيرها من المعاني الجميلة


شكرا ياشاعر ...وصح لسانك

[الكـ،،،،،،ايف]

صح لسانك

وعلا شانك

[الأفلاج]

ًٌقصيدة روعة ..صح لسانك
ولك اعجابي

[خلف المهدي]

صح لسانك .....

صح ابدانك ...

[خلف المهدي]

لقيـت بعيونـه لحبـي مـوانـي
وشفته بقلبي قبل مايشوفه الموق



بيت عن قصيده وبعدين يااخي انت شاعر ظالم نفسك


وهذاالذي نقراه شعر جميييييييييييييييييييييييييييييييل



اتحفنابالجديد دائما ولاتحرمنا من الابداع


شكرا لك يا أخي الكريم سعد

ولعلك أخطأت التخمين

[خلف المهدي]

أعيش في ظل الرجاء والأمانـي
وإلا الوصل في حبل الأيام مشنوق

عساه يلقـى ماعطانـي زمانـي
ويجرب الفرقى على حرقة الشوق


صح لسااانك

صحت أبدانك وأركانك

[خلف المهدي]

كتبتها في ريعان الشباب



تكفى ياشايب



اقول كثر منها بس

وكثر من القصايد خصوصا عن الحرية والانفراد وغيرها من المعاني الجميلة


شكرا ياشاعر ...وصح لسانك

الشيب لاح بعارضي يا أبو سامر ..... ش الفرق بيني وبين من لحيته شيب ؟


صحت أبدانك

[خلف المهدي]

صح لسانك

وعلا شانك

صحت أبدانك

لا شلت أركانك

[خلف المهدي]

ًٌقصيدة روعة ..صح لسانك
ولك اعجابي

صحت أبدانك

ولك شكري وامتناني

[رحال]

حبه تغلغل بيـن ذيـك المحانـي
جدد قديم الود وأحيا بي عـروق

صح السانك والله يالجميلى،،،

تسلم ويسلم شعورك الطيب،،،

[خلف المهدي]

حبه تغلغل بيـن ذيـك المحانـي
جدد قديم الود وأحيا بي عـروق

صح السانك والله يالجميلى،،،

تسلم ويسلم شعورك الطيب،،،

صحت أبدانك

كل ذوق يا رحال