خل العذر ( رشيد الدهام )

[خلف المهدي]

هذه القصيدة للشاعر : رشيد الدهام


خل العذر ياموجع الليل بالناي=ليلك عجل والسالفه سرمديه
اطول من الضيقات وابعد من بكاي=واشد من صد الخوي عن خويه
ياما ذكرت الوقت والوقت نساي=وياما قتلت الروح والروح حيه
انا بطبعي لاتثاقلت شكواي=على صدر غيري بقت داخليه
تكبر وتكبر مثلها ضحكه شفاي=ويردد اللي مادرى ياهنيه
وانت ان شقيت بغلطتك هاتها جاي=اغلط بكيفك واترك العذر ليه
انا اللي اسف وااعتذر عن سواياي=اسف على غلطتك واسف عليه
الذنب ذنبي والخطايا خطاياي=ولا انت ماجا منك ذنب وخطيه
ذنبي وعذري في الهوى طيب مبداي=ضحيت لاجلك لين صرت الضحيه
تدري وش ابغى تقولي قبل فرقاي=تدري وش ابغى تقول عن طيب نيه
ودي تقول.. أو عاد تدري وش الراي=تسكت مادام السالفه سرمديه

[الأمير]

صح لسان الشاعر ... وتسلم على الانتقاء المميز

[زعيم الملتقى]

صح لسان الشاعر الكبير

وتسلم على نقلك لهذه الرائعة يابوسلطان

[بدر المنيجل]

صح لسانك

_________________

[عبد العزيز المحارب]

صح لسان شاعرها .

اختيار جميل ومميز . اشكرك على النقل .

[أبو اطياف]

صح لسان الشاعر

يعطيك العافية ابو سلطان

[متعب صلفيق]

صح اللسان الشاعر الكبير

تحياتي لك يابو سلطان

[أبوديمه]

صح لسسان الشاعر

وتسلم يمين الناقل

[أبو عبدالله البسام]

صح لسان الشاعر والناقل

[خلف المهدي]

أشكركم على المرور