خلف المهدي
04-02-2012, 10:24 PM
http://www.aljmeel.net/vb/mwaextraedit4/extra/30.gif
أخواني الكرام اليوم نضع لكم إحدى قصائد الشاعر الكبير : حمدان بن عبدالرحمن الدمعان الجميلي - أطال الله بعمره - وهو من الشعراء الذين نعتز بشعرهم ، وهو من يطوع الكلمة على ما يريد من معنى ولا شك بأنه غني عن التعريف
قال هذه القصيدة بوالدته رحمها الله تعالى ويسندها إلى الشاعر الكبير : فهيد الباطح الجميلي ، أترككم مع هذه الرائعة نسأل الله أن يكتبها في ميزان حسناته
بديت في خلاق صحر مهدها=من يمت القبلة ليا طارف السيف
محصي النفوس اللي يكلف عددها=اللي بتصريفه تهب العواصيف
اللي يفل حبالها ويعقدها=علام ما يخفى وبالعين ما شيف
الله من هم بحالي سردها=سرد المغيرة للنياق المواليف
يومٍ بها المتلي عزت عن ولدها=من طق عصيان القروم النوانيف
الخيل تذعرها وهي مع جلدها=طاروق مع دق الحصى اللي مشانيف
غديت مثل اللي حياته فقدها=سبار قوم ومسكته جت على الكيف
خلنه العيرات وافخت وعدها=بين الطوال النايفات المشاريف
على الذي بالبرد نمت بجسدها=ترفا خمالي عن جميع التكاليف
أمٍّ حنون وزهملتني بيدها=لا أونست بس دموع عينه ذواريف
عل الجنان الخضر تنزل بلدها=تعيش في رحمة بليا مصاريف
اللي بلجف القبر تسكن وحدها=يغفر ذنوبه داير الوقت بالريف
وكتيت عبرات الضحى من بعدها=ودموع عيني منه جوز ومراديف
كن النويفج لاحها مع رمدها=وإلا الحماط مولف فيه توليف
عيني تهل الدمع مما قردها=جزاه عن نومه علوم الملاقيف
كن الدبا ركّز بكبدي عمدها=يجول من بين الضلوع المهاديف
أو ضو سمرٍ ما يبطّل وقدها=لا ولعوه بسرعة قصفته ليف
ودنياك لو دامت يمرك نكدها=مثل الفرات اللي بسرعة مناكيف
لو ساعفت لك ما يطوّل سعدها=اللي بروس أقدامها داست منيف
والله على اللي كن جالد بردها=يشدي لحالوب البرد بأول الصيف
من مزنة غر يروع رعدها=هب الشمال وجن مزنه محاذيف
كن الوبر يحذف مع أول قودها=ويزت من نشطه خفيف الخواطيف
سيله يطم النايفة من صمدها=صلف هواه يجعف الطلح تجعيف
من سيله الشعبان يطفح زبدها=جاروح سيله جرف القاع تجريف
وإلا دشيم اللي زنوده حمدها=عدل المناكب ما لشكله تواصيف
اللي ليا شاف الحباري لكدها=نثر ثناديها بحدبن معاكيف
هذي يشقلبها وهذي مهدها=فرخ معلم ظايع عقب تعليف
يضيق به ريع الفضاء اللي فردها=لا جاه نطح ومزع الريش تنتيف
جمس ملاعيط الخرايم بجدها=لا دزه السواق عجل المحاريف
يفري الطعوس بتايره لا صعدها=يشدي لحالوب حدنه عواصيف
لفهيد شوق اللي تنقظ جعدها=نزه شليله ما رقد حوله حليف
نجل العيون اللي صغير نهدها=لا جاه مزعله الغلط عود معيف
ذا قول من زين المثايل جردها=من له ثلاث سنين شاف التكاسيف
اللي ليا قال المثايل وجدها=عنده رصيد للبيوت الرواليف
وعجل بمردودك وطرش سندها=يا الشاعر اللي من رجال عواريف
حتى البيوت النايفة تستندها=يا اللي كلامك نقد ما هو بتزييف
http://www.aljmeel.us/up//uploads/images/aljmeelnet-0aa130a812.gif
أخواني الكرام اليوم نضع لكم إحدى قصائد الشاعر الكبير : حمدان بن عبدالرحمن الدمعان الجميلي - أطال الله بعمره - وهو من الشعراء الذين نعتز بشعرهم ، وهو من يطوع الكلمة على ما يريد من معنى ولا شك بأنه غني عن التعريف
قال هذه القصيدة بوالدته رحمها الله تعالى ويسندها إلى الشاعر الكبير : فهيد الباطح الجميلي ، أترككم مع هذه الرائعة نسأل الله أن يكتبها في ميزان حسناته
بديت في خلاق صحر مهدها=من يمت القبلة ليا طارف السيف
محصي النفوس اللي يكلف عددها=اللي بتصريفه تهب العواصيف
اللي يفل حبالها ويعقدها=علام ما يخفى وبالعين ما شيف
الله من هم بحالي سردها=سرد المغيرة للنياق المواليف
يومٍ بها المتلي عزت عن ولدها=من طق عصيان القروم النوانيف
الخيل تذعرها وهي مع جلدها=طاروق مع دق الحصى اللي مشانيف
غديت مثل اللي حياته فقدها=سبار قوم ومسكته جت على الكيف
خلنه العيرات وافخت وعدها=بين الطوال النايفات المشاريف
على الذي بالبرد نمت بجسدها=ترفا خمالي عن جميع التكاليف
أمٍّ حنون وزهملتني بيدها=لا أونست بس دموع عينه ذواريف
عل الجنان الخضر تنزل بلدها=تعيش في رحمة بليا مصاريف
اللي بلجف القبر تسكن وحدها=يغفر ذنوبه داير الوقت بالريف
وكتيت عبرات الضحى من بعدها=ودموع عيني منه جوز ومراديف
كن النويفج لاحها مع رمدها=وإلا الحماط مولف فيه توليف
عيني تهل الدمع مما قردها=جزاه عن نومه علوم الملاقيف
كن الدبا ركّز بكبدي عمدها=يجول من بين الضلوع المهاديف
أو ضو سمرٍ ما يبطّل وقدها=لا ولعوه بسرعة قصفته ليف
ودنياك لو دامت يمرك نكدها=مثل الفرات اللي بسرعة مناكيف
لو ساعفت لك ما يطوّل سعدها=اللي بروس أقدامها داست منيف
والله على اللي كن جالد بردها=يشدي لحالوب البرد بأول الصيف
من مزنة غر يروع رعدها=هب الشمال وجن مزنه محاذيف
كن الوبر يحذف مع أول قودها=ويزت من نشطه خفيف الخواطيف
سيله يطم النايفة من صمدها=صلف هواه يجعف الطلح تجعيف
من سيله الشعبان يطفح زبدها=جاروح سيله جرف القاع تجريف
وإلا دشيم اللي زنوده حمدها=عدل المناكب ما لشكله تواصيف
اللي ليا شاف الحباري لكدها=نثر ثناديها بحدبن معاكيف
هذي يشقلبها وهذي مهدها=فرخ معلم ظايع عقب تعليف
يضيق به ريع الفضاء اللي فردها=لا جاه نطح ومزع الريش تنتيف
جمس ملاعيط الخرايم بجدها=لا دزه السواق عجل المحاريف
يفري الطعوس بتايره لا صعدها=يشدي لحالوب حدنه عواصيف
لفهيد شوق اللي تنقظ جعدها=نزه شليله ما رقد حوله حليف
نجل العيون اللي صغير نهدها=لا جاه مزعله الغلط عود معيف
ذا قول من زين المثايل جردها=من له ثلاث سنين شاف التكاسيف
اللي ليا قال المثايل وجدها=عنده رصيد للبيوت الرواليف
وعجل بمردودك وطرش سندها=يا الشاعر اللي من رجال عواريف
حتى البيوت النايفة تستندها=يا اللي كلامك نقد ما هو بتزييف
http://www.aljmeel.us/up//uploads/images/aljmeelnet-0aa130a812.gif