حروة وعد

[الطرقي]

اهداء للجميع
اخذ العقل والقلب والروح يازين
وانا لي امرح في حدودك باماني

مادام حنا في غلانا صغيرين
انسي كلام اللي نساك ونساني

يامن ملكت القلب بالرمش والعين
والرمش مصدر علتي وامتحاني

ناظر عيوني من عذاب المحبين
جار الزمان اللي بجوره وطاني

من شافني عقب البطا قال مسكين
امسي بحالن واصبح بحال داني

مال السعاده في حياتي عناوين
من يوم ماربي بحبك بلاني

جيتك على حروة وعد ليش بعدين
يوم الاثنين الفجر شوقي دعني

ملزوم توفي بالوعد والوعد دين
لوتعتذر مقبول عذرن لفاني

وانتي على قلبي وروحي تمونين
قدرك تعلى بين عوج المحاني

والله لوكنتي عن الحال تدرين
ماكان غنيتي زماني رماني

واليوم مادري يالغلا وجهتي وين
همي اليا جا تالي الليل جاني

لك مبسمن ياما تمنيته سنين
يشدي لجمرن في ضميري كواني

ليتك معاي اقرب من الجفن للعين
يوم ان غيرك باعني ماشراني

من غبت عن عيني وانا ضعت مابين
شوقك وطيفك والغلا والاماني

ضليت اساير سطوت الللام والسين
وانا وقلبي من فراقك نعاني

ضاعت مفاهيم الغلا بين حرفين
ياضحكتن فيها تذوب المعاني

لك بين ريضان الحنايا ميادين
لجيوش حبك كان غيرك غزاني

شعارها الاخلاص والعطف واللين
وابيك في قلبي تعيش متفاني

الشاعر:: فيصل نايف الطرقي

[زعيم الملتقى]

صح لسانك شاعرنا المبدع فيصل الطرقي

ومن هذا المنبر ندعوك للمشاركة في مسابقة قصيدة في صفوة الخلق صلى الله عليه وسلم في هذا الموقع

وفقك الله ياغالي

[خلف المهدي]

صح لسانك يا شاعرنا الكبير فيصل نايف الطرقي

قصيدة تعانق السماء بجمالها

ولا تحرمنا مما بحوزتك

[أبوديمه]

ليتك معاي اقرب من الجفن للعين
يوم ان غيرك باعني ماشراني


صح لسانك وبيض الله وجهكـ قوواكـ الله

[بسام الجميلي]

صح لسانك وعلى شأنك

[متعب صلفيق]

صح لسانك وعلى شأنك

[أبو عبدالله البسام]

صح لسانك ياشاعرنا

[الأمير]

الله يكون بعونك ... صح لسانك ... قصيده جدا رائعة

[الملا]

صح لسانك...........الطرقـــــــــــــــــــــــــــــ ـي
شاعر مبدع وفقك الله

[كــحــيــلان]

صح للسانك على ادائك المميز
وتقبل تحياتي