صور مقناص حباري

[فهد سعيد]

السلام عليكم
وبارك الله في اخينا ابونواف والقائمين على هذا القروب الناجح
ونتشرف بالمشاركة فيه
كان لنا في اجازة الحج رحلة مميزة مع مجموعة الصافي سلمهم الله من كل مكروه
وتحديدا في (ساحوق) جنوب غرب مدينة الرس بحوالي 150كلم تقريبا
بدأت الرحلة في يوم الثلاثاء الموافق 1427/12/6
على موتري وكان باقي الاخوان سابقين قبل بيوم
وهذى الموتر معبي عفش المنتخب < ضميد عفش
http://images.abunawaf.com/2007/01/mk5332_dsc00806.jpg
كان اليوم الاول جميل والأجواء طيبة وبدا البحث عن اثرة وتم العثور عليها وتم تتبعها حتى اثرة طيرانها
واستمر البحث ولكن ماالله اراد ان يكون لنا نصيب فيها
وحطينا حيلنا بهالحصني يمسح لنا الشغايا مسح سريع
http://images.abunawaf.com/2007/01/mk5332_dsc_0038.jpg
استمر التجوال لين خطم علينا طير ووقع حولنا واثاريه طير خوينا هاد على شي بس ماقدر خوينا يلحقها لانه طار مع الهوا وابعد
http://images.abunawaf.com/2007/01/mk5332_dsc_0064.jpg
عقله الله , ويوم دعاه عيا لا يجي بالملواح وتقل مابغاه مثل الطير الوحش مثل ماتشوفون
http://images.abunawaf.com/2007/01/mk5332_dsc_0092.jpg
والظاهر والله اعلم انه هاد على شي وباغية وماقدر عليه او راح وخلاه
المهم وقفنا في محل طيب تكينا وحطبنا وشبينا ضونا وزانت السوالف
وودعنا الشمس بهاللقطة الجميلة
http://images.abunawaf.com/2007/01/mk5332_dsc_0102.jpg
سمرنا اول ليله على ذكرى الاثرة وعلى مواصلة البحث بالغد
اصبحنا اليوم الثاني وكان معنا الطل والبراد والسكون وبعض الشخير من مجموعة الرواق وخصوصا الوسطي
http://images.abunawaf.com/2007/01/mk5332_dsc_0020.jpg
واصلنا التجوال والبحث وكل واحد باتجاه وبدا الهواء يزيد علينا شوي شوي لين صار الهواء (صلف) وبعد فترة جاب معه العجاج والسافي
واستمر العجاج ويوم شفنا ان الوضع مطول بحثنا عن ذرا بالجبال او السمر وراح اليوم الثاني متقين العجاج
اصبحنا اليوم الثالث و العجاج هاجد مع الفجر او قبل
عينا من الله خير وافطرنا وشدينا الهمه
وكانت الارض بعد العجاج ممسوحة وصار من السهل تمييز الاثر الجديد وصارت الارض نظيفة من اثرة الغنم والجراذي وام سلم اللي اقلعت بي http://images.abunawaf.com/smiles/smile.gif
واصلنا البحث وكل موتر باتجاه لين نادى راعي الطير ان عنده اثرة جديدة عاد حنا ماصدقنا خبر طق الاحداثي وشب على الموتر
كانت الاثرة جديدة والحبارى عندنا وقاعدين نحتريها تفقع
http://images.abunawaf.com/2007/01/mk5332_dsc_0036.jpg
ارتفع راعي الطير وكفخ طيره ماشاء الله تبارك الله ولا الحبارى تطير وترتفع والطير وراها
ومن هالصور يتضح اللحق واعذروني على عدم دقة الصور لاني ماقدرت آخذ راحتي بالتصوير تعرفون طرد ومناقز وخبة واللي انتم خابرين
http://images.abunawaf.com/2007/01/mk5332_bdr.jpg
ويستمر الطرد واللحق
http://images.abunawaf.com/2007/01/mk5332_dsc_0032.jpg
http://images.abunawaf.com/2007/01/mk5332_dsc_0033.jpg
http://images.abunawaf.com/2007/01/mk5332_dsc_0046.jpg
http://images.abunawaf.com/2007/01/mk5332_ter_019.jpg
علقها الطير ماشالله عليه وكان التعليق نادر صراحة والطير لحاق ماشاءالله تبارك الله
وهذي صورة اولى بعد التعليق
http://images.abunawaf.com/2007/01/mk5332_ter53.jpg
http://images.abunawaf.com/2007/01/mk5332_dsc_0067.jpg
http://images.abunawaf.com/2007/01/mk5332_dsc_0071.jpg
http://images.abunawaf.com/2007/01/mk5332_dsc_0061.jpg
وهذي صور جماعية للمجموع الرائعة ادامهم الله
http://images.abunawaf.com/2007/01/mk5332_dsc_0005.jpg

وصور اخرى ومن زوايا اخرى
http://images.abunawaf.com/2007/01/mk5332_dsc_0084.jpg

ابوعزيز اخوان وتعتريهم الفرحة الغامرة ادامها الله على وجوههم دووووووم
http://images.abunawaf.com/2007/01/mk5332_dsc00888.jpg

وانت مرتز معهم بالغصب وبواسطة بعد هههههههههههههه

http://images.abunawaf.com/2007/01/mk5332_dsc_0088.jpg

بعد ماخذنا وقتنا بالتصوير والوناسة حركنا لم الاثرة نتأكد منها ولا احد الشباب ينادي بالجهاز ( ياجماعه فيه أثرة حبارى ثانية قاطعة مطاريدنا)
هو قاله ولا ماقاله ونتوجه لمه ونبدا من جديد مع حبارى جديدة
ونبدا قص الاثرة
http://images.abunawaf.com/2007/01/mk5332_ter55.jpg

وكان الملاحظ على الحبارى الثانية السرعة لانها (والله اعلم )انها شايفة الهدد وتحاول الفرار
استمرينابقص الاثر وكان صعب شوي لانها في منطقة حزوم واستمرينا بقص الاثر من الساعة 11 صباحا وماكفخ الطير الا الساعة 2 ظهرا
قاطعه مسافة 5كلم تقريبا
وكان من الصعب التصوير لان الطير علقها سريع وكان بعيد عنا شوي
وحرصنا على تخليصها بدري حية كما هوا واضح بالصورة
http://images.abunawaf.com/2007/01/mk5332_dsc03040.jpg

وتم ذلك بس كانت متعورة شوي وكانت دجاجة

http://images.abunawaf.com/2007/01/mk5332_dsc_0075.jpg

صورة للمزيونة عن قرب http://images.abunawaf.com/2007/01/smile.gif

http://images.abunawaf.com/2007/01/mk5332_dsc_0079.jpg

تقل عورنا عيونها من كثر الفلاشات ههههههههه

http://images.abunawaf.com/2007/01/mk5332_ter51.jpg

وهذي بعض الصور الجماعية للمجموعة بعد الهدد الطيب
http://images.abunawaf.com/2007/01/mk5332_dsc_0130.jpg
فيه عنصر داخل عرض بالصورة .. من يعرفة ؟
http://images.abunawaf.com/2007/01/mk5332_dsc_0129.jpg
ضحينا بمحلنا بعدها وعينا من الله خير واستانسنا وتغدينا وبعده قمنا نكمل دورانا وبحثنا
باقة منوعه ومتفرقة
الازرق يتميلح بالحباري على باله قميري : )
http://images.abunawaf.com/2007/01/mk5332_ter_027.jpg
تصوير من قوقل ايرث وحنى نهد <مايعرف ينصب ههههههههه
http://images.abunawaf.com/2007/01/mk5332_dsc00875.jpg
هذا جزا الي مايلبس نعال .... نهاية طريق مسدود ..... نهاية روماتزم ......
http://images.abunawaf.com/2007/01/mk5332_dsc_0050.jpg
كانت هنا حبارى
http://images.abunawaf.com/2007/01/mk5332_dsc_0058.jpg
شموخ مزدوج ..... الطير والذيب
http://images.abunawaf.com/2007/01/mk5332_dsc_0123.jpg
يستاهل الصافي ماشالله تبارك الله
http://images.abunawaf.com/2007/01/mk5332_ter3.jpg
رفست الموت
http://images.abunawaf.com/2007/01/mk5332_dsc_0063.jpg
http://images.abunawaf.com/2007/01/ter071.jpg



http://images.abunawaf.com/2007/01/tero73.jpg

http://images.abunawaf.com/2007/01/ter074.jpg

[متعب صلفيق]

يعطيك العافيه

[أبوديمه]

ابو سعيد صوور تنعش القلب


ذكرتنا بالمقنااص وحنا بعز القيض


تحيااتي لك

[فهد سعيد]

http://www.aljmeel.net/vb/mwaextraedit4/extra/64.gif

[الأمير]

مقناص رائع ... وفقك الله

[حر الجميله]

موضوع جميل ماشاء الله عليهم

[ابن صلفيق]

ابو سعيد صوور تنعش القلب


ذكرتنا بالمقنااص وحنا بعز القيض


تحيااتي لك

[نمر السعيد]

http://www.aljmeel.net/vb/mwaextraedit4/extra/21.gif

[ابو غيوم]

ابو سعيد صوور تنعش القلب


ذكرتنا بالمقنااص وحنا بعز القيض


تحيااتي لك

[زعيم البسام]

يعطيك العافيه