شبيه الريح
20-08-2011, 12:09 PM
احدى قصائد الشاعر بداع العبلان
يوم أتذكر
سر يارسولي مادام مشاغلي غافي =من شاعرٍ ما استلف من غيره ابياته
مما بجاشه يعاف فراشـه الدافي =ما مر ليل وتقاصر طول ساعاته
عز الله ان صحيحٍ ان قول الاسلافي =يستقصدك من حذف حولك بخطلاته
لا صار ما الرجل بين هرجه وضافي =وش يقنع الناس في مقصود نياته
في مثل ما هو يشوف الناس ينشافي= واسكاته اهون عليها من محاكاته
وما اقشر من الزلّه ليا جت من سنافي=لا صرت تغليـه واخلف فيك هقواته
ما جور يوم اتذكَر وانظر خلافي =ليت ان كل اوّلٍ ينبي عن اتلاته
يا عايفي ما انت مجبور على اولافي=ماني اللي مناسبك سلمه وعاداته
ماني دنيٍّ على العقبات مهرافي =اللي هدف عشرته مقضات حاجاته
إن ما كواك بكلامٍ يبحث الخافي =ملّك بتنغيص منًاته بـمنّاته
أن قلت يفدى اثري وانا مني حافي=ماهو بـكفوٍ باثر رجلي مفاداته
حيث إن شرواي رجل لا وعد يافي=ما شطّر لسانه بـمزحه وضحكاته
كم طارفٍ وده تدنيسة اطرافي = لاشك ماهي على كيفه ومشهاته
حاسدني انه يشوف دروبي انظافي=لين اجهدت عفّتي حيله وحيلاته
إن شك وأن ما استشك اوصافي اوصافي=واشرف من انه ينجّسها بشكاته
هذا وكانه خفاك اللي ماهو خافي =الرجل يكفيك عن هرجه مخاواته
أن كان ما فات عن عرفي ماهو كافي=شرواي عن عرفتك يكفيـه ما فاته
والجرح وانا خوي الصّبر متشافي=لو ماله اسباب تعجّل مشافاته
ان ما تشرّفت في فعلي وميقافي=ما احدٍ مشرّفي بـفعلـه وقفاته
كم واحدٍ ينمدح ذكره وينظافي =ولو اني اسمع به افضل من ملاقاته
وليا جفاني صحيبي والدّهر رجافي=ما ني بـصدّي سريعٍ في مجازاته
لو ان ظلمي له اعد لّه من انصافي=لي حلم ينزه عن مجازاه بسواته
اوالفه في فؤادٍ بالوفى دافى =واقطّع ايامي برجوى مهاداته
ان اعتذر فالعذر كافي عن مكافي=وان ما اعتذر فالخطا عذر لمجفاته
لاصار قدري بصدره مظلمٍ طافي =ابعدت طاريه عن فكري وسجّاته
من خلقة الناس ما للطيب مصافي= وادنى حسانيه تمحي كل سياته
والآدمي لا خلقه الله متعافي =يحمد ربه على منّة معافاته
أتمنى بأن تحوز على رضاكم
يوم أتذكر
سر يارسولي مادام مشاغلي غافي =من شاعرٍ ما استلف من غيره ابياته
مما بجاشه يعاف فراشـه الدافي =ما مر ليل وتقاصر طول ساعاته
عز الله ان صحيحٍ ان قول الاسلافي =يستقصدك من حذف حولك بخطلاته
لا صار ما الرجل بين هرجه وضافي =وش يقنع الناس في مقصود نياته
في مثل ما هو يشوف الناس ينشافي= واسكاته اهون عليها من محاكاته
وما اقشر من الزلّه ليا جت من سنافي=لا صرت تغليـه واخلف فيك هقواته
ما جور يوم اتذكَر وانظر خلافي =ليت ان كل اوّلٍ ينبي عن اتلاته
يا عايفي ما انت مجبور على اولافي=ماني اللي مناسبك سلمه وعاداته
ماني دنيٍّ على العقبات مهرافي =اللي هدف عشرته مقضات حاجاته
إن ما كواك بكلامٍ يبحث الخافي =ملّك بتنغيص منًاته بـمنّاته
أن قلت يفدى اثري وانا مني حافي=ماهو بـكفوٍ باثر رجلي مفاداته
حيث إن شرواي رجل لا وعد يافي=ما شطّر لسانه بـمزحه وضحكاته
كم طارفٍ وده تدنيسة اطرافي = لاشك ماهي على كيفه ومشهاته
حاسدني انه يشوف دروبي انظافي=لين اجهدت عفّتي حيله وحيلاته
إن شك وأن ما استشك اوصافي اوصافي=واشرف من انه ينجّسها بشكاته
هذا وكانه خفاك اللي ماهو خافي =الرجل يكفيك عن هرجه مخاواته
أن كان ما فات عن عرفي ماهو كافي=شرواي عن عرفتك يكفيـه ما فاته
والجرح وانا خوي الصّبر متشافي=لو ماله اسباب تعجّل مشافاته
ان ما تشرّفت في فعلي وميقافي=ما احدٍ مشرّفي بـفعلـه وقفاته
كم واحدٍ ينمدح ذكره وينظافي =ولو اني اسمع به افضل من ملاقاته
وليا جفاني صحيبي والدّهر رجافي=ما ني بـصدّي سريعٍ في مجازاته
لو ان ظلمي له اعد لّه من انصافي=لي حلم ينزه عن مجازاه بسواته
اوالفه في فؤادٍ بالوفى دافى =واقطّع ايامي برجوى مهاداته
ان اعتذر فالعذر كافي عن مكافي=وان ما اعتذر فالخطا عذر لمجفاته
لاصار قدري بصدره مظلمٍ طافي =ابعدت طاريه عن فكري وسجّاته
من خلقة الناس ما للطيب مصافي= وادنى حسانيه تمحي كل سياته
والآدمي لا خلقه الله متعافي =يحمد ربه على منّة معافاته
أتمنى بأن تحوز على رضاكم