فز الخفوق

[الشاعر سالم الطرقي]

http://www.aljmeel.net/vb/mwaextraedit4/extra/29.gif

هـــــــــذي القــــــــصيده بـــــــعنوان (فز الخفوق).....؟

مبداي بالله قبل هرج و طرايف
عالم خفا غيب السنين المقابيل

ياواحد(ن) يسجدلك العبد خايف
بالخاتمه يارب حسن المداخيل

قال الذي عبر بيوتـ(ن) خفايف
قبل الطلوع موزناتـ(ن) عن الميل

البـارحـه كثرة عـلي الكـلايـف
فز الخفوق وعفت كل التعاليل

ذكرت دنيا ماعليها حسايف
ياسرع تفنا ماوراها محاصيل

كم نزلت من عاليات الشرايف
ربعـ(ن) تصب مبهرات الفناجيل

وكم فرقت بين القلوب والولايف
وكم جددت غبن الجروح المساميل

اليا أقبلت ماتـنوصـف بالـوصايـف
وزوالها اسرع من بروق المخاييل

ودار الزمان وصاب قلــبي تـلايف
وانا من اللوعات ماعــاد بي حـيـل

اقسم بخلاق الشتـا والــمصـايــف
وقتـ(ن) مضا ابعد من الجدي لسهيل

وش جايب الاول لجيل الكسايف
يفرق كما يفرق نهاره عن الليل

راح الزمان وجاك ماكنت عايف
ناسـ(ن) تضاهر بارجال المشاكيل

خّصيت انا بالقول ماكنت شايف
وطـلبت مـد مـبدل الحـال تبديل

والخير يذكر بالقلوب النضايف
وتغرك الهقوه ابعض الازاويل

وتلقا الوفا عند الرجال العرايف
ماشاركوا في مدهل القول والقيل

وطرد الهوا يوم السنين الطوايف
محبتـ(ن) تحشم عن الشك والميل

واليوم ماتنفع عهود وحـلايف
لو غبت عنها ماتجيك المراسيل

محبتـ(ن) هالوقت ماهي خلايف
حب المظاهر مايبون التفاصيل



الشاعر /سالم الطرقي الطرفاوي...!

[أبوديمه]

صح لسانك وعلى شانكـ

[الرمح]

صح لسانك على القصيدة

[زعيم الملتقى]

اقسم بخلاق الشتـا والــمصـايــف
وقتـ(ن) مضا ابعد من الجدي لسهيل

وش جايب الاول لجيل الكسايف
يفرق كما يفرق نهاره عن الليل

راح الزمان وجاك ماكنت عايف
ناسـ(ن) تضاهر بارجال المشاكيل
............

صح لسانك ... قصيدة فيها معاني عميقة

أبدعت ياشاعرنا القدير

باتنظار جديدك

[Falah]

صـح السـآنـك قصـيده جـزلـه

[@@الملك@@]

http://img195.imageshack.us/img195/9266/999dz.png (http://img195.imageshack.us/i/999dz.png/)

[خلف المهدي]

محبتـ(ن) هالوقت ماهي خلايف
حب المظاهر مايبون التفاصيل


صح لسانك ،،، قصيدة في منتهى الجمال

لله درك من شاعر جزل

من جمالها قرأتها أكثر من مرة

وفقك الله

[الأمير]

قصيدة اجتماعية فيها الكثير من المعاني الهادفة

صح لسانك ياشاعرنا الحكيم

[بسام الجميلي]

صح لسانك ......... وبارك الله فيك