خلف المهدي
21-03-2011, 06:13 PM
http://www.aljmeel.net/vb/mwaextraedit4/extra/72.gif
هذه القصيدة للشاعر الكبير معطاب بن مسيعيد بن حفر الجميلي
ودك ليا أبعد عنك هاف المعاليق=حدرك من الهافات زين الرموعي
مقوس من خلف يعطي بتدنيق=كنه يبي قدام وجهك يفوعي
يصلح لمن وقف نهار التفاريق=مر المراح ولا لقا به نجوعي
بس التنك ومخلفات الصناديق=على مراحه مع بقايا الرثوعي
مستسمل ما كن جوه المخاليق=والقوبعه باطراف داره تقوعي
نوب تحرك من دقاق الخماخيق=ونوب تلفت لا تجيها الفزوعي
وإنك على اللي يستوي للطواريق=ومنين ما حرك يفز ويزوعي
زوعة نداويٍ كفخ بالمسابيق=جيعان والسبّق طلع به طلوعي
تله وزاع وضف ريشه بتحليق=يلاعب الجنحان طرب ولوعي
ياما جرى لي بالهوى من غداريق=شيٍ ليا منك ذكرته يلوعي
خاطرت بالممشى غراق ومواهيق=ورجعت منه محطماتٍ ضلوعي
كد فات لي من عرض غيري بواريق=ماني لحالي واجدينٍ ربوعي
كلامه أحلى من حليب المساويق=خلفات بر في ليال الرتوعي
عليه من تمر الحساء كالشباريق=والكبد لاحقها القصى عقب جوعي
وأحلى من السكر على فكة الريق=واحلى من الريم الرواتع رموعي
حرْصٍ على لاماه حرص المشافيق=ولا طايرات إلا وراهن وقوعي
تخالفن أقدامنا مع مضاييق=قفيت وأقفى ما قويت الرجوعي
أبا أتسهل مير جتني شخاديق=والدرب ضيّق ما تجنب قطوعي
كلٍ طريقه ماح به مع مصافيق=لياما سنوعه جنبت عن سنوعي
أقسام ياللي تطردون وتوافيق=ولاني على الدبر المقدر جزوعي
وهذه القصيدة بصوت الشاعر فهد بن مسيعيد الجميلي
http://www.youtube.com/watch?v=H75PkxM4jZo
هذه القصيدة للشاعر الكبير معطاب بن مسيعيد بن حفر الجميلي
ودك ليا أبعد عنك هاف المعاليق=حدرك من الهافات زين الرموعي
مقوس من خلف يعطي بتدنيق=كنه يبي قدام وجهك يفوعي
يصلح لمن وقف نهار التفاريق=مر المراح ولا لقا به نجوعي
بس التنك ومخلفات الصناديق=على مراحه مع بقايا الرثوعي
مستسمل ما كن جوه المخاليق=والقوبعه باطراف داره تقوعي
نوب تحرك من دقاق الخماخيق=ونوب تلفت لا تجيها الفزوعي
وإنك على اللي يستوي للطواريق=ومنين ما حرك يفز ويزوعي
زوعة نداويٍ كفخ بالمسابيق=جيعان والسبّق طلع به طلوعي
تله وزاع وضف ريشه بتحليق=يلاعب الجنحان طرب ولوعي
ياما جرى لي بالهوى من غداريق=شيٍ ليا منك ذكرته يلوعي
خاطرت بالممشى غراق ومواهيق=ورجعت منه محطماتٍ ضلوعي
كد فات لي من عرض غيري بواريق=ماني لحالي واجدينٍ ربوعي
كلامه أحلى من حليب المساويق=خلفات بر في ليال الرتوعي
عليه من تمر الحساء كالشباريق=والكبد لاحقها القصى عقب جوعي
وأحلى من السكر على فكة الريق=واحلى من الريم الرواتع رموعي
حرْصٍ على لاماه حرص المشافيق=ولا طايرات إلا وراهن وقوعي
تخالفن أقدامنا مع مضاييق=قفيت وأقفى ما قويت الرجوعي
أبا أتسهل مير جتني شخاديق=والدرب ضيّق ما تجنب قطوعي
كلٍ طريقه ماح به مع مصافيق=لياما سنوعه جنبت عن سنوعي
أقسام ياللي تطردون وتوافيق=ولاني على الدبر المقدر جزوعي
وهذه القصيدة بصوت الشاعر فهد بن مسيعيد الجميلي
http://www.youtube.com/watch?v=H75PkxM4jZo