الذنب ذنب ابوي علمني الطيب..في وقت ما للطيب فيه اي قيمه

[فوازالبريك]

اخواني اعضاء شبكة قبيلتناالغاليه هذاالتواصل
الاول لي معكم اتمنى ان ترضي اذواقكم00




ياكثر من دور علي العذاريب=وياكثر من حطوا وراي النميمه
ناسٍ تبي في سمعتي يذكر العيب=أهل العقول التافهه والبهيمه
كنت اعتبرهم لي ضيوف ومعازيب=وانظر لهم في كل نظره سليمه
خذيت منهم في حياتي تجاريب=وابعدت في طيبة معزه وشيمه
واخذت حقي بأمر من يعلم الغيب=والحمد لله مارجعت بهزيمه
حذرتهم عيت تفيد المناديب=لين إختلط بالجو عجّه وغيمه
كل السبب عرفي سلوم المواجيب=واكبر سبب يمناي دايم كريمه
واغضي واسامح وابعد الشك والريب=قلبٍ نصوح ونيّةٍ مستقيمه
مافاد في وقتٍ حصاده عواقيب=قلت ادخل جنانه وطحت بجحيمه
عكس الصحيح الصح والمخطي مصيب=واللي فعل معروف طيبه خصيمه
هالوقت وقتٍ للطمع والمكاسيب=واليوم صار الطيب موضه قديمه
وقتٍ يناسب لابسات الجلابيب=اللي يعشقن الهروج الذميمه
يضحك به الحصني ويبكي به الذيب=ماتنفع الحشمه ولا به حشيمه
والذنب ذنب ابوي علمني الطيب=في وقت ما للطيب فيه اي قيمه
ياللي تدور في طبوعي عذاريب =والله ماتلقى بغير الظليمه

[الحسين محمد]

كل السبب عرفـي سلـوم المواجيـب
واكبـر سبـب يمنـاي دايـم كريمـه


اذاكان هذاالسبب اخي فواز! اجل فليكثروا فيك


مثل هذاالشئ وانا لك من المنتمين وانت للجمال



والشعرتنتمي ---شكراعلى هذاالنص الرائع

[راع الجنيفا]

والذنب ذنب ابـوي علمنـي الطيـب
في وقت مـا للطيـب فيـه اي قيمـه


الله الله عليك

صح لسانك وعلا شانك

وابشرك مالك الا الاجر وعسى الله يرحم من علمك الطيب



تحية لك على هالرائعة ,,,

[الغنماوي]

صح لسانك يافواااااااااااااااااز
وقصيدة تمثل شخصية قائلها وتنم عن واقع تجربة عاشها الشاعر, وبصراحة القصيدة أعجبتني , وأعجبني البيت الذي تقول فيه /
]كل السبب عرفـي سلـوم المواجيـب
واكبر سبـب يمنـاي دايـم كريمـه

ولكن لدي ملاحظة بسيطة فلو استبدل الشاعر كلمة (البهيمة)في البيت الثاني بكلمة (السقيمة ) لكان الوصف أدق وأفصح
وبالتوفيق

[الأفلاج]

العزة والاعتزاز جميلة اخي فواز

لذلك انت غير ..


صح فكرك الراقي

وجميلة جدا جدا ملاحظة الغنماوي ...

[ذيب الخلا]

هالوقـت وقـتٍ للطمـع والمكاسيـب
واليوم صار الطيـب موضـه قديمـه
وقـتٍ يناسـب لابسـات الجلابـيـب
اللـي يعشقـن الهـروج الذميـمـه




صح لسانك يافواز

[سنداللافي]

السبب عرفـي سلـوم المواجيـب
واكبر سبـب يمنـاي دايـم كريمـه

كفو كفو ونعم

صح السانك

[الكـ،،،،،،ايف]

ابداع اخوي فواز
نتمنى نسمع جديد

[خاص]

ابدعت وامتعت



والحمد لله إنك مـا زلت على قيد الشعر


ننتظر جديدك خصوصا بعد احداث سد مارب وعرش بلقيس

[فوازالبريك]

شكراً للجميع على المرور الكريم
سلمت يالغنماوي على الملاحظة

[حمود الحريجي]

فواز

صح السانك قصيده رائعه

بس صراحه فيك عذرووب واحد هو الطيب الله يزيده ؟؟ ابتسامه

عسى الله يعز الطيب والطيبين



دمت بود

[فوازالبريك]

فواز

صح السانك قصيده رائعه

بس صراحه فيك عذرووب واحد هو الطيب الله يزيده ؟؟ ابتسامه

عسى الله يعز الطيب والطيبين



دمت بود
ماعليك زود ياحمود ......مايجي منك الا الطيب

[ابو عابد]

صح لسااااااااااااانك اخوي فواز

قصيدة تستحق الرد لاعجابي فيها ,,

[محمد الماجدي]

قصيدة رائعه صح لسانك
تعبير صادق
وعن تجربه

[فواز البذالي]

صح لسانك يالسمي


قصيدة في محلها




تحياتي

[الذيب]

صح لسانك

قصيدة ابداعية

[ALWRDH]

صح لسااانك يااخ فواز قصيدتك اكثر من روعه ومن يفعل الطيب لاينتظر رد جزاؤه ومن يفعل الطيب ينتظرفقط كلمة النعم من الناس والجزاء من الله وانت ساسك الطيب وإذا كانت الشجره طيبه اصبحت ثمااارها طيبه وريحتها طيبه وفي النظر تسر الناظرين ودمتم سالمين

[جابرالمليح]

ونعم فيك ونعم بابوك ولا هي غريبه الطيب عندكم وانتم اهل لذالك ولا على الباقين زود

[@ القناص @]

ابدااااااااااااع شكل غير طبيعي

وشعر ذو طعم مميز الله على الابداع

ماهي غريب عليك الابداااااااااااااع

صح السااااانك

بنتظار ابداعك

@ القنااااااااااص @

[جمعه البناقي]

حذرتهـم عيـت تفـيـد المنـاديـب
ليـن إختلـط بالجـو عجّـه وغيمـه
كل السبب عرفـي سلـوم المواجيـب
واكبر سبـب يمنـاي دايـم كريمـه

اخوي فواز لاهنت اللي هذي اسلومه مايجي منه الا الطيب بارك الله فيك على القصيده والتسلسل الشيق