خلف المهدي
26-02-2011, 03:19 PM
هذه القصيدة قالها الشاعر الكبير: محيا بن شريدة الجميلي ( راعي مغطية ) بمناسبة عودة الملك عبدالله بن عبدالعزيز آل سعود إلى بلاده سالما معافى
مرحبا با بو متعب وأبو خالد وزيره = عد ما أثمر نبات الأرض وامطر سماها
اسمعوا كلمة محيا بكم وتعبيره = يا ملوكٍ بنجد وسورها وزعماها
اتكلنا على الله جعل بالأمر خيره = جت على ما تبا الدولة وجت من مناها
أبو متعب ملكنا ما نبي حكم غيره = في نظامه رضينا مع نوايا نواها
بايعوه الملوك وبايعته العشيره = كل شيخ وقبيلة بايعت من هواها
جعل ربي عن صدوف المنايا يجيره = ريف من عجزت أذرعها تحصل عشاها
جعل غيبتك عن نجد ليالٍ قصيره = أنت نوره وسور المملكة عن عداها
عز نجدٍ واهلها بالوقوت العسيره = كم من ريّس ذل ولجى في ذراها
أنت أبو نجد وانت اللي تقود المسيره = قبلك أبوك نجد رافع مستواها
ما حكم بانتخاب مثل حسني وغيره = شيخته لو نحسّب ما لحقنا مداها
يوم نجدٍ صحاري والمعادي يديره = بالمصقل ومذلوق العريني حماها
من غزى صوب حده ما يغني بشيره = دولتك عزها رب العباد وعطاها
تحتريك اليتامى والشيوخ الكبيره = تفتخر بك وتكسر بك نواظر عداها
مشبع نجد ودول تحرى كثيره = مدتك تشبع الجوعا وتبهج ضماها
عادة لك وطبعك بالوقوت الخطيره=فزعتك بالشدايد لافقدنا رخاها
وانت تعلم بغيب ابن آدم يا خبيره = المشاكل تعالجها على مستواها
حكم جدك وأبوك بنجد ما تستعيره= وانت عين المعادي من يدينك عماها
ومن يخالف كلام الشرع يلقى مصيره=علته له علاج عند نايف دواها
ثم حييت يا صقر العرب والجزيره = كثر رملٍ بنجد وكثر كفٍّ وطاها
الله اللي خلقكم للوجيه الشريره = علة من تمسه ما يحصل شفاه
الشاعر : محيا شريدة الجميلي
مرحبا با بو متعب وأبو خالد وزيره = عد ما أثمر نبات الأرض وامطر سماها
اسمعوا كلمة محيا بكم وتعبيره = يا ملوكٍ بنجد وسورها وزعماها
اتكلنا على الله جعل بالأمر خيره = جت على ما تبا الدولة وجت من مناها
أبو متعب ملكنا ما نبي حكم غيره = في نظامه رضينا مع نوايا نواها
بايعوه الملوك وبايعته العشيره = كل شيخ وقبيلة بايعت من هواها
جعل ربي عن صدوف المنايا يجيره = ريف من عجزت أذرعها تحصل عشاها
جعل غيبتك عن نجد ليالٍ قصيره = أنت نوره وسور المملكة عن عداها
عز نجدٍ واهلها بالوقوت العسيره = كم من ريّس ذل ولجى في ذراها
أنت أبو نجد وانت اللي تقود المسيره = قبلك أبوك نجد رافع مستواها
ما حكم بانتخاب مثل حسني وغيره = شيخته لو نحسّب ما لحقنا مداها
يوم نجدٍ صحاري والمعادي يديره = بالمصقل ومذلوق العريني حماها
من غزى صوب حده ما يغني بشيره = دولتك عزها رب العباد وعطاها
تحتريك اليتامى والشيوخ الكبيره = تفتخر بك وتكسر بك نواظر عداها
مشبع نجد ودول تحرى كثيره = مدتك تشبع الجوعا وتبهج ضماها
عادة لك وطبعك بالوقوت الخطيره=فزعتك بالشدايد لافقدنا رخاها
وانت تعلم بغيب ابن آدم يا خبيره = المشاكل تعالجها على مستواها
حكم جدك وأبوك بنجد ما تستعيره= وانت عين المعادي من يدينك عماها
ومن يخالف كلام الشرع يلقى مصيره=علته له علاج عند نايف دواها
ثم حييت يا صقر العرب والجزيره = كثر رملٍ بنجد وكثر كفٍّ وطاها
الله اللي خلقكم للوجيه الشريره = علة من تمسه ما يحصل شفاه
الشاعر : محيا شريدة الجميلي