الشاعر حسين السعدون يسند لناصر الخليفة

[خلف المهدي]

مرة أخرى نأتي بنوادر الشاعر الكبير / حسين بن سعدون النصافي ونختار هذه القصيدة المــتألقة ونترككم لتغوصوا في معانيها الرائعة

الشاعر حسين يسند هذه القصيدة إلى الشاعر الكبير / ناصر بن محمد الجميلي



أنـا أشهــد إن الشعـر حكمـة وله ذوق = لصــار عنــدك للمـعــانـي ليــاقــة
وأخـذت لك مع منهج العـرف طـاروق = يـنقــاد بسـلـوك الحـريـر الـدقــاقـــة
يـا نـاصـر المسـلـم مــدبــّر ومــرزوق = خلك معـي وإلا قـطعـت العــلاقــة
كانـك تبي تــدخـل معـي سـاحـة الســوق = أصبــر وجـامل لا يجيـبـك حمـاقــة
أنــا تـخيــرتــك علـى كـل مخــلــوق = يالصـاحب اللي مـا تخـون الصداقـة
بيـحـت لك ســـدٍ كتـمتـه بـصـنــدوق = أسبــاب من حـالي سـرقها سـراقــة
عـليـه دمعـي غــرّق الجفـن والمــوق = أنخــاك وأنخـى طيبـين الــرفـاقــة
حُبـه حكمـني بـالهــواء حكـم فــاروق = صبـرت لو مالي على الصبـر طاقـة
أنـا أشهـد أنـه صـار لي بـالهـواء عــوق = عـوق الكسيـر اللي فقـد عظـم ساقـة
والقـلـب تـلـه وانـقـطـع منـه معـلـوق = وعـذره يقـول مسجـلك بـالبطـاقـــة
يـاللـي كسرت قصيـّـر الضـلع من فوق = أرفق على بـاقي الضلوع الـرقـاقـة
لـو قلـت أبصبـر كل مطـرود ملحــوق = يحـط له بــاب وعشــرين طـاقــة
يـا بن خليـفة هــات لي عـلم مـا ثــوق = بـالطيـب وإلا في خشـوم التفـاقــة

[خلف المهدي]

وقد رد الشاعر الكبير ناصر الخليفة بهذه القصيدة الجميلة التي تحتوي على الكثير من الحكم والنصائح المفيدة


أنــا أشهــد أن الشـعــر له فـن وحقــوق =وحنـا هلـه وأحكـم على شخـص باقـة
وأنـشــد وخــل المكـر والمـزح والمـوق = ولا تصــادم أمــواج ٍ يـزيـد اصطفـاقــة
يا حسيـن أعرفـك منت جاهـل ومطفــوق = وأرفــق وقلبــك لا تـحــطــم حــلاقــة
علـم ٍ يلـوق وعلـم يـا حسيـن مـا يـلـوق = والـطيـّــب أثنــي لـه وأذم العــلاقـــة
ودنيــاك هـذي بيـن صـافـق ومصفــوق = والـمــر محــدٍ قــال محـــلا مــذاقــة
بيـّحت لي سـدك عسـى الأمـر بوفــوق = وقلبـك مـن الفــرقـى يـزيــد احتـراقــة
أن كـان قلبـك يـا بـوسعــدون مـا ســوْق =غصــب ٍ عليــك وواسقيـنـة وســاقــة
تشـكي الغــرام وخــافقــك دق بخـفــوق = أسبــاب مـن يحـكـم عـليــك أتـفـاقــة
عيـن الـوحش مـا تـلهـا الكـف بـسبــوق = مصـيـونــةٍ محـدٍ مـن النــاس ذاقــة
هـذا زمـان بيـن عــاشــق ومـعـشــوق = أمـا اجـتـمــاع بصـــح وإلا فــراقــة
ومـن خـايـل البــارق تبـين له بـــروق = والشـيــب مـا يخـفيـه مـوس الحـلاقـة
أشرب من الصـافي ما هـو مي مطـروق = صــافي مصفـّى كالـذهــب بنـدلاقــة
قـلتــه وأنـــا مــا لاحقــا ًً منـه ملحــوق = وأميـّــز المعـنــى ولا بــي طفــاقــة
والشجرة الخضراء لها أغصان وعروق =والبـيــت مــا يــذرّي بـليــا رواقــــة
بـالجــاه هـو والمـال لـو من ظنـا روق = نجيـب لك مـن سـجــلك بـالبـطـاقـة
تـلعـب بقـيـفــان ٍ لهــا أنــواع ورمــوق =ليتــك تـميــز بيـضـهـا مـن زراقــة
والأرض يـسقيـهـا مـن المـزن حـاقــوق = بـأمر الـولـي رب المخـاليــق ســاقــة
عقـب المحـل يـشيـخ بـه كـل زملـوق =وتـلقى الزبيــدي شـايخـا ً في رقـاقـة
وأعرف تـرى الصنـدوق مبـهم ومغلـوق = مضمــون مفتــاحـه وفـوقـه غــلاقــة
وأنـا معـك بـالحـق وإبـليس مخــزوق = ولا اصـاحب اللـي عيشتـه بـالـدراقــة
وكـم واحـدٍ يقـطف ثمـر وردٍ وعذوق = وزالـت ولـو تنـشـده مـا تقــل ذاقــه
والحكــم للـه لـو حـكــم كـل مخـلـوق = وصـدام عقـب العــز خلـى عــراقــه

[@@الملك@@]

http://img135.imageshack.us/img135/1709/80423053.png (http://img135.imageshack.us/my.php?image=80423053.png)

[خلف المهدي]

http://img135.imageshack.us/img135/1709/80423053.png (http://img135.imageshack.us/my.php?image=80423053.png)



صح بدنك ...

وأسعدني مرورك العطر

[الأمير]

قصائد جدا رائعة من شاعرين كبيرين

شكرا لك ابا سلطان على النقل

[النداوي]

ردية جميلة ورائعة
تسلم اخي ابو سلطان على النقل

[المهاجر]

صح لسان كل شاعر

وشكرا لك على النقل

[صلاح المحارب]

بارك الله بك اخي ابا سلطان على نقل هذه الرائعة وصح لسان الشاعرين

شكرا لك دوما

[ابو يوسف]

صح لسان الشعراء


وشكراًُُُ لك على نقل الرديه

[خلف المهدي]

قصائد جدا رائعة من شاعرين كبيرين

شكرا لك ابا سلطان على النقل

أهلا بك يا الأمير

[خلف المهدي]

ردية جميلة ورائعة
تسلم اخي ابو سلطان على النقل

حياك الله يالنداوي

[خلف المهدي]

صح لسان كل شاعر

وشكرا لك على النقل

صحت أبدانك

[خلف المهدي]

بارك الله بك اخي ابا سلطان على نقل هذه الرائعة وصح لسان الشاعرين

شكرا لك دوما

الله يبارك فيك

وحياك الله

[خلف المهدي]

صح لسان الشعراء


وشكراًُُُ لك على نقل الرديه

صح بدنك

وحياك الله

[خالد الغشم]

ردية جميلة ورائعة
تسلم اخي ابو سلطان على النقل

[زعيم الملتقى]

صح لسان الشاعرين

تسلم على النقل